Şu günler Aşgabatda howanyň temperaturasy selsiý boýunça ortaça 40 gradusy görkezýän mahaly, paýtagtyň käbir banklarynyň bölümçeleriniň öňünde pensionerler öz pensiýa pullaryny almak üçin uzyn nobatlara garaşýarlar. Aşgabat şäheriniň 3-nji, 24-nji poçta bölümlerinde, Türkmenbankyň 10-njy kiçi etrapçadaky bölümçesinde pensiýa berilýän nokatlarda pensionerleriň oturyp garaşmagy üçin niýetlenen amatly şertleriň döredilmändigini görse bolýar.