Sepleriň elýeterliligi

Futbol boýunça halkara federasiýasynyň (FIFA) etika boýunça komiteti futbol administratory Çak Blazeri sport pudagyndan ömürlik mahrum etdi.

70 ýaşly Blazer 1996-njy ýyldan 2013-nji ýyla çenli FIFA-nyň Ýerine ýetiriji komitetiniň agzasydy.

2013-nji ýylda Blazer Nýu-Ýorkyň federal suduna beren maglumatynda özüniň FIFA-nyň Ýerine ýetiriji komitetiniň beýleki agzalary bilen birlikde, Futbol boýunça Dünýä çempionatynyň geçirilmegi üçin 1998-nji ýylda şowsuz tamamlanan Morokko we 2010-njy ýylda şowly tamamlanan Günorta Afrika teklipleri boýunça para almak barada dildüwşük edendigini boýun aldy.

9-njy iýulda FIFA-nyň etika boýunça komiteti Blazer “köpçülige mälim edilmeýän we bikanun tölegleri, paralary teklip we kabul etmäge gatnaşan esasy adamlaryň biridir” diýdi.

XS
SM
MD
LG