Ukrainanyň Azow batalionynyň ýokary wezipeli ýolbaşçysy Kiýewiň golaýyndaky Buha obasyndaky öz jaýynda öli tapyldy.
Harbylaşdyrylan Azow toparynyň metbugat-gullugynyň 27-nji iýulda Twitter arkaly ýaýradan maglumatyna görä, Azowyň graždan agzalarynyň ýolbaşçysynyň orunbasary Ýarowslaw Babyç 26-njy iýulda irden dardan asylgy tapylypdyr.
Bu waka boýunça derňew gozgaldy.
Azow bataliony 2014-nji ýylda Ukrainanyň gündogar Donetsk we Luhansk regionlarynda orsýetçi separatistlere garşy söweşmek üçin esaslandyrylypdy.
Häzirki wagtda Azow Ukrainanyň Içeri işler ministrliginiň milli gwardiýasynyň düzümine girýär.