Täjik syýasatçysy Azatlyk radiosyna interwýu bereninden az salym soň gyrak-çetdäki türmä geçirildi.
Täjigistanyň Demokratik partiýasynyň ozalky lideri, 23 ýyl türme tussaglygyna höküm edilen Mahmadruzi Iskanderow geçen hepde Azatlyk radiosyna interwýu berip, 1997-nji ýylda Täjigistandaky raýat urşuny soňlan parahatçylyk şertnamasyny sorag astyna aldy.
1992-nji ýylda turan uruş, şertnama gol çekilýänçä, azyndan 50 müň adamy öldürdi. Iskanderow Azatlyk bilen söhbetdeşlikde şertnamanyň «ýalňyş», parahatçylygyň «galp» bolandygyny, aýtdy.
Iskandarowyň dogany Abbosiddin Homidow 18-nji awgustda Azatlyk radiosyna syýasatçynyň interwýuda «öz garaýşyny» aýdanlygy» üçin başga türmä geçirilendigini aýtdy.
Homidow Iskandarowyň, metbugatdan uzakda bolmagy üçin, Duşenbedäki türme kamerasyndan uzakdaky Wahdat şäheriniň türmesine geçirilendigini aýtdy.