Owgan resmileri ýurduň günbataryndaky Hyrat şäherinde ýangyç daşaýan ulagyň partlamagynyň netijesinde 11 adamyň, esasan çagalaryň wepat bolandygyny aýtdylar.
Hyratyň regional keselhanasynyň metbugat wekiliniň 25-nji awgustda aýtmagyna görä, bir gün öň bolan partlamada 18 adam ýaralanypdyr.
Metbugat-wekili Rafik Şerzaýyň aýtmagyna görä, partlama ýurduň içerki bosgunlarynyň ýaşaýan lageriniň golaýynda ýerleşýän gaz üpjünçilik toplumynyň içinde bolupdyr.
Wepat bolan 11 adamdan 10-sy çagalar.
Şerzaý ýaralananlardan dört adamyň bejergi üçin Eýrana iberlendigini aýtdy. Olaryň bedenleriniň 90% gowragy ýanypdyr.
Ýangyç daşaýjy ulagyň partlamagyna betbagtçylykly hadysanyň ýa hüjümiň sebäp bolandygy belli däl.