Saud häkimiýetleri Mekgäniň uly metjidindäki äpet krany güýçli ýeliň ýykandygyny aýdýarlar, bu kran ýyllyk Haj zyýaratynyň başlanmagynyň öňüsyrasynda azyndan 107 adamy öldürdi.
Raýat goranmak müdirliginiň başlygy Suleýman bin Abdullah al-Amro 12-nji sentýabrda adaty bolmadyk güýçli ýeliň bu töwerekdäki baglary hem ýykandygyny aýtdy.
Ol kranyň ýyldyrym urmasy netijesinde ýykylandygy ýa-da pidalaryň käbiriniň depeşekde ölendigi barada çykan habarlary ret etdi.
Şeýle-de, 11-nji sentýabrda ýykylan kran, ölenlerden başga, 200-den gowrak adamy ýaralady.
Saud häkimiýetleri ölenleriň milleti barada resmi maglumat bermediler we 21-nji sentýabrda başlanmagyna garaşylýan Haj zyýaratynyň, betbagtçylyga garamazdan, dowam etdiriljegini aýtdylar.
12-nji sentýabrda çap edilen resmi maglumata görä, Saud Arabystanyna eýýäm 909 müňden gowrak zyýaratçy gelipdir.