Gyrgyzystanyň günortasyndaky uly metjidiň ymamy ekstremizm aýyplamalary bilen bäş ýyl türme tussaglygyna höküm edildi.
Ymam Raşod Kori Kamolowyň aklawçysy Nazgul Suýunbaýewa Azatlyk Radiosyna beren maglumatynda 7-nji oktýabrda Gyrgyzystanyň günortasyndaky Oş regionynyň Kara-Suu etrabynyň sudy Kamolowy bäş ýyl türme tussaglygyna hökümet etmezden öň, ony dini agzalalygy möwjetmekde we ekstremist mazmunly maglumatlary saklamakda we ýaýratmakda günäli tapdy diýdi.
37 ýaşyndaky Kamolow Kara-Suu etrabyndaky As-Sarahsi metjidinde täsirli dindar we ymam hasaplanylýardy.
Ol şu ýylyň fewral aýynda ýurtda gadagan edilen “Hizb ut-Tahrir” yslamçy toparynyň işjeň agzasy bolmakda we Gyrgyzystanda yslam halyfatynyň döredilmegine çagyryş etmekde şübhelenilip, tussag edilipdi.
Kamolow özüniň günäsizdigini aýdýar.