«Roýters» habar gullugynyň ýazmagyna görä, Obama adminstrasiýasy daşary ýurt hökümetlerine we ABŞ bankirlerine Eýrana garşy sanksiýalaryň entek güýjünde galýandygyny we olaryň Eýranda maýa ýatyrmaga howlukmaly däldigini ýatlatdy.
ABŞ-nyň Döwlet departamentiniň golaýda dünýä ýüzündäki ilçihanalara iberen telegrammalarynda sanksiýalaryň entek ýatyrylmandygy tassyklanylýar diýip, diplomat we hökümet çeşmeleri 9-njy oktýabrda «Roýterse» aýypdyrlar.
Ol telegrammalarda Eýrana garşy sanksiýalaryň Halkara Atom energiýasy gullugy Tähranyň iýulda baglaşylan ýadro ylalaşygynyň şertlerini doly ýerine ýetirendigini tassyklaýança ýatyrylmajagy nygtalypdyr.