Gazagystanyň prezidenti Nursultan Nazarbaýew Orsýetiň prezidenti Wladimir Putiniň Täjigistandaky ýagdaý barada uly aladalanma bildirýändigini aýtdy.
Nazarbaýew bu barada 15-nji oktýabrda Putin bilen gepleşikleriniň yzýany Astanada geçirilen bilelikdäki metbugat-konferensiýasynda aýtdy.
Täjigistanyň Owganystan bilen umumy serhedinde soňky hepdelerde “Talyban” toparynyň söweşijileri öz hüjümlerini güýçlendirdiler. Sentýabr aýynda Täjigistanda goranmak ministriniň öňki orunbasarynyň gatnaşmagynda adam pidaly çaknyşyk bolupdy.
Şeýle-de Nazarbaýew Gazagystanyň “Orsýetiň iň ýakyn we ynamdar goňşusy bolandygyny we mundan beýläk-de boljakdygyny” belledi.
Nazarbaýew Moskwanyň ýolbaşçylygyndaky Ýewraziýa Ykdysady Bileleşigini makullady.
Putin Orsýetiň we Gazagystanyň Hazar deňzinde nebit çykarmak boýunça “uly planlarynyň” bardygyny mälim etdi.