Owgan hökümeti ABŞ-nyň prezidenti Barak Obamanyň ABŞ-nyň goşunlaryny indiki ýylyň aýagyndan soň hem Owganystanda galdyrmak barada yglan eden kararyny makullady.
Owgan hökümeti 15-nji oktýabrda ýaýradan beýannamasynda karary makullap, “gorka we terrora doly güýç bilen jogap bermegi” wada berdi.
Obamanyň 15-nji oktýabrda eden çykyşynda Waşingtonyň 2016-njy ýyldan soň
Owganystanda 5500 harbysyny galdyrjakdygy aýdyldy. ABŞ mundan öň 10000 adamlyk goşunyny doly çykarmagy planlaşdyrýardy.
NATO Owganystandaky söweş çärelerini 2014-nji ýylda tamamlap, owgan harbylaryny türgenleşdirmek we goldamak üçin 13000 çemesi harbysyny galdyrdy.