Sepleriň elýeterliligi

BMG: Yrakda mergi ýaýraýar


Mergä garşy sanjym edilýär, Yragyň Ramadi şäheri, 21-nji sentýabr, 2015.

Mergä garşy sanjym edilýär, Yragyň Ramadi şäheri, 21-nji sentýabr, 2015.

BMG-niň 21-nji oktýabrda habar bermegine görä, geçen aýdan bäri Yrakda mergi keseli bilen bagly 1600-den gowrak waka hasaba alnypdyr. Bu ýagdaýyň kömege mätäç 8.6 million adama degişli gumanitar krizisi hasam güýçlendirýändigi aýdylýar.

Yragyň Saglyk ministrligi öz maglumatynda mergi bilen bagly 1800-den gowrak wakany hasaba alandygyny we alty adamyň mergiden ölendigini habar berdi. Maglumatda keselçiligiň Yragyň demirgazyk Kürdüstan regionyna ýaýrandygy aýdyldy.

BMG-niň ynsanperwer işlerini sazlaşdyrýan guramasynyň aýtmagyna görä, 22-nji sentýabrda Yrakda mergi bilen bagly diňe 54 waka hasaba alnypdyr. Merginiň ýaýramagyna esasan suw sistemasynyň sandan çykmagynyň we suwy arasslamak üçin hlor serişdesiniň ýetmezçilik etmeginiň sebäp bolýandygy aýdylýar.

XS
SM
MD
LG