Türkmenistanda tussaglykdaky raýatlary türmeden boşatmak boýunça günä geçiş yglan edildi.
Türkmenistanyň garaşsyzlygynyň 24-nji senesi mynasybetli 1020 tussag türmeden boşadylýar. Prezident G.Berdimuhamedow günä geçiş baradaky permana hökümetiň we Döwlet howpsuzlygy geňeşiniň 26-njy oktýabrda bilelikde geçirilen maslahatynda gol çekdi.
Welaýat, etrap, şäher häkimlerine we beýleki degişli edaralaryň ýolbaşçylaryna günäsi geçilen raýatlary iş bilen üpjün etmek barada tabşyrygyň berlendigini türkmen mediasy habar berdi.