Ukrainanyň geçen ýyl Orsýet tarapyndan anneksiýa edilen Krym ýarymadasyndaky metjit nämälim şahslar tarapyndan talandy.
Krym musulmanlarynyň dini işleri boýunça edarasynyň 19-njy noýabrda beren maglumatyna görä, şu hepdäniň başynda jenaýatçylar Sudak şäherçesiniň golaýyndaky Ýangy Maale metjidine girip, ol ýerdäki haýyr-sahawat gutusyny ogurlapdyrlar.
Gürrüňi edilýän edaranyň berýän maglumatyna görä, 2015-nji ýylyň başyndan bäri Krymdaky metjitler sekizinji gezek talanypdyr.
14-nji noýabrda nämälim hüjümçiler Zawet-Leninsky obasyndaky metjidiň penjiresine onlarça kerpiçi oklap döwüpdirler. Sentýabr aýynda bolsa, Krymyň paýtagty Simferopolda gurulýan Uly metjidiň suratlary ýok edilipdir.