Estoniýanyň “Welmenni” şereketi ofis-edaralarda Li-Fi tehnologiýasyny synagdan geçirdi.
Gürrüňi edilýän kompaniýa bu tehnologiýa arkaly internet tizliginiň 1 Qbit/sekunda ýetendigini mälim etdi. Bu Wi-Fi ulgamynyň tizliginiň orta statistikasy bilen deňeşdirilende 100 esse ýokary diýmegi aňladýar.
Li-Fi ulgamynyň üstünde 2011-nji ýylda işlenip başlanypdy.
Bellenilmegine görä, bu ulgamda maglumatlar nanosekuntlaryň dowamynda LED yşyklaryna geçirilýär. Bu tehnologiýanyň ýeke täk kemçiligi, onuň yşyk şöhleleri Wi-Fi ulgamynyňky ýaly diwarlardan geçmeýär. Muňa garamazdan, bu faktor ulgamyň has howpsuzdygyny aňladýar.
“Welmenni” kompaniýasynyň direktory Deepak Solankiniň sözlerine görä, bu tehnologiýa öňümizdäki 3-4 ýylyň dowamynda ulanyşa beriler.