Azerbaýjanyň tanklary ýurtdan bölünen Daglyk-Garabag regionyny soňky 21 ýylyň dowamynda ilkinji gezek oka tutýarlar. Bu barada regionyň goranmak ministrligi 9-njy dekabrda habar berdi.
“1994-nji ýylda ok atyşyk bes edileli bäri ilkinji gezek Azerbaýjan Garabag front liniýasynda tanklary ulandy”, diýip ministrlik Garik Awanesian atly esgeriň öldürilendigini aýtdy.
Şeýle-de, tanklardan we granata atyjy ýaraglardan 1500 okuň atlandygy maglumatda habar berildi.
Azerbaýjan Ermenistanyň Azerbaýjanyň obalaryny oka tutup, ilkinji bolup hereket edendigini aýdýar.
Azerbaýjanyň ministrligi Daglyk-Garabagda “duşmanyň” pozisiýalaryna jogap beriji zarbalary amala aşyryp biljekdigini duýdurdy.
Ermenistan we Azerbaýjan 1990-njy ýyllaryň başynda dawaly Daglyk-Garabag regionynyň üstünde gandöküşikli konflikti başdan geçirensoň ok atyşygy bes etmek barada ylalaşyga gelipdi.