Orsýetiň prezidenti Wladimir Putin Türkiýäniň geçen aý ors söweş uçaryny urup ýykmagyny “duşmançylykly hereket” diýip atlandyrdy we häzirki türk hökümeti bilen islendik ylalaşyga gelmegiň “praktiki taýdan mümkin däldigini” aýtdy.
17-nji dekabrda Moskwada özüniň ýyllyk metbugat ýygnagynda çykyş eden Putin türk-siriýa serhediniň golaýynda ors söweş uçarynyň urlup ýykylmagyny “türk häkimiýetinde kimdir biri amerikanlaryň göwnünden turmak isledi” diýip düşündirdi.
Ankara 24-nji noýabrda ors uçary Siriýadan Türkiýäniň araçäklerine gysga wagtlaýyn geçenden we edilen duýduryşlary görmezden gelenden soň urlup ýykylandygyny tekrarlaýar.
Şeýle-de, Putin öz çykyşynda türk halkynyň we türki dilli milletleriň özleriniň” dosty we hyzmatdaşlary bolup galjakdygyny” hem sözüniň üstüne goşdy.