Sepleriň elýeterliligi

Boşan tussaglar Tährany terk etdi


Jason Rezaian we Amir Hekmati

Jason Rezaian we Amir Hekmati

Tussag çalyşmak ylalaşygynyň çäginde Eýranyň türmesinden boşadylan dört tussag Tährany terk etdi diýip, ABŞ resmisi we Eýranyň döwlet mediasy 17-nji ýanwarda habar berdi.

Ol dört adam, Jason Rezaian, “Washington Post» gazetiniň Tährandaky býurosynyň başlygy, idaholy pastor Saeed Abedini, Flintden, Miçigan, ozalky deňizçi Amir Hekmati we Nosratollah Khosravi-Roodsari dagydyr.

Ady aýdylmadyk resmi habar gulluklaryna bu dört adamyň şweýsar uçarynda Tährany terk edendigini aýdypdyr.

«Washington Post» Rezaianyň aýaly Ýeganeh Salehi bilen sag-aman Eýrandan çykandygyny tassyk etdi.

Bäşinji tussag, amerikan studenti Matthew Trevithik aýratynlykda boşadyldy.
Eýran bäş amerikalynyň azat edilendigini 16-njy ýanwarda, Tährana garşy halkara sanksiýalarynyň ýatyrylan gününde yglan etdi.

ABŞ tussag çalyşmak ylalaşygy esasynda ýedi eýranla rehim etdi, olaryň altysy amerikan-eýran goşa raýatlygyna eýe. Bular Birleşen Ştatlarda jogapkärçilige çekilen ýa-da sud edilýän adamlardy.

Günbatar mediasy olaryň Nader Modanlo, Bahram Mechanic, Khosrow Afghahi, Arash Ghahreman, Tooraj Faridi, Nima Golestaneh we Ali Saboonchi dagydygyny habar berýär.

XS
SM
MD
LG