Sepleriň elýeterliligi

Polşa NATO goşunyny artdyrmak isleýär


Polşanyň prezidenti Andrzej Duda, Brussel, 18-nji ýanwar, 2016

Polşanyň prezidenti Andrzej Duda, Brussel, 18-nji ýanwar, 2016

Polşanyň prezidenti Andrzej Duda NATO-ny Gündogar Ýewropada has köp sanly goşun ýerleşdirip, Polşany we regionyň beýleki ýurtlaryny has agressiw bolup barýan Orsýetden goramaga çagyrdy.

“Maksat NATO-nyň goşunlarynyň ýerleşdirilmegi we göze ilmegi” diýip Duda NATO-nyň Brusseldäki edarasynda 18-nji ýanwarda eden çykyşynda aýtdy.
Polşa NATO-nyň indiki ýylyň iýul aýynda boljak sammiti geçirer.

Duda Polşada ýerleşdirilmegini isleýän goşunlarynyň sanyny agzamady. Emma olaryň “NATO-nyň gündogar tarapyny goramaga ukyply bolmalydygyny” belledi.

NATO-nyň baş sekretary Jens Stoltenberg Polşadaky sammitiniň netijeleriniň kanagatlandyryjy boljakdygyny aýtdy.

“NATO-nyň Polşany öz içine alýan regionda goşunlary häzirem bar” diýip Stoltenberg aýtdy we “biz Warşawada boljak sammitden soň NATO-nyň Polşada öňküsinden has köp bolmagyna serederis” diýdi.

XS
SM
MD
LG