ABŞ-nyň harbylary günorta Helmand welaýatynda “Talybana” garşy göreşýän owgan güýçleriniň baş ýolbaşçysynyň çalyşandygyny we onuň düzüminiň “gaýtadan düzülendigini” aýtdylar.
ABŞ-nyň goşun ýolbaşçysy general Wilson Şoffner 215 Maiwand korpusyndaky özgerişliklere işe bolan ukypsyzlygyň, korrupsiýanyň we netijesizligiň sebäp bolandygyny 25-nji ýanwarda AP agentligi bilen söhbetdeşliginde aýtdy.
Owganystanyň Goranmak ministrligi çalyşyklary tassyklady.
20-nji ýanwarda owgan resmisi Helmand welaýatynyň uly böleginde “Talybana” garşy söweşýän owgan harbylarynyň goşmaça kömege mätäçdigini aýdypdy.
Şeýle-de hökümet güýçleri Helmand welaýatynyň paýtagty Laşkar Gahda uly kynçylyklar bilen ýüzbe-ýüz bolýarlar, diýip welaýatyň polisiýa ýolbaşçysy general Abdul Rahman Sarjang aýtdy.