Saud Arabystanynyň daşary işler ministri Adel al-Jubeir ABŞ-nyň ýolbaşçylygyndaky koalisiýanyň Siriýada “Yslam döwleti” toparyna garşy amala aşyrýan harby kampaniýasynyň çäginde öz ýurdunyň ýörite güýçlerini ibermek mümkinçiligini teklip etdi.
Al-Jubeir bu barada Waşingtonda ABŞ-nyň döwlet sekretary John Kerri bilen geçiren gepleşikleriniň ikinji güni eden çykyşynda aýtdy. Gepleşikler Siriýadaky we Ýemendäki konfliktlere gönükdirildi.
ABŞ-nyň prezidenti Barak Obama ABŞ-nyň gury ýer goşunlarynyň Siriýa ýollanmagyna garşy çykýar, emma ol ABŞ-nyň ýörite güýçleriniň 50 harbysyny ibermegi geçen ýylda karar etdi.