Pakistanyň harbylary ýurduň Owganystan bilen serhediniň golaýyndaky tire-taýpalar regionynda howpsuzlyk güýçleriniň bäş söweşijini öldürendigini aýtdylar.
Harbylaryň beýannamasynda ok atyşygyň 20-nji fewralda Mohmand tire-taýpalar regionynda bolandygy we atylyp öldürilenleriň “terrorçylyk hereketlerini” planlaşdyrandygy habar berilýär.
Mundan ozal 17-nji fewralda “Talybanyň” söweşijileri Mohmandda amala aşyran iki sany hüjümde azyndan dokuz polisiýa wekilini öldürdiler.
Pakistanyň Owganystan bilen serhediniň golaýynda ýerleşýän Mohmand hökümet güýçleriniň on ýyl çemesi döwrüň dowamynda “Al-Kaýda” we “Talyban” toparlaryna garşy söweşýän regionlarynyň biri.