ABŞ-nyň öňki döwlet sekretary Hillari Klinton Newadanyň demokratik partiýasynyň duşuşygynda üstünlik gazandy.
Nýu Ýorkly milliarder Donald Trump bolsa Respublikanlaryň Günorta Karolinadaky deslapky ses berişliginde öňe saýlandy.
20-nji fewralda bolan ses berişlikde Klinton öz bäsdeşi senator Bernie Sandersden üstün çykdy. Sesleriň 93%-niň sanalmagyndan soň Klintonyň 52.5% ses toplandygy aýdyldy.
Klinton Nýu Hempşirdäki deslapky ses berişlikde Sandersden ýeňileli bäri bu onuň ilkinji ýeňişidir.
ABŞ-nyň iki partiýasy noýabr aýynda boljak prezidentlik saýlawlaryna gatnaşdyrmak üçin öz saýlan dalaşgärlerini iýul aýynda milli gurultaýlarynda hödürlärler.