Pakistanyň demirgazyk-günbataryndaky etrap sudunyň girelgesine edilen janyndan geçeniň hüjüminde ölenleriň sany 17-ä ýetdi.
7-nji martda Çarsadda etrabynyň Şabkadar şäherçesindäki hüjümde ölenleriň arasynda iki erkek we bir zenan polisiýa ofiseri, şeýle-de bir çaga bar.
Polisiýanyň berýän maglumatyna görä, wakada ýaralanan 20-den gowrak adamyň alty sanysy keselhanada aradan çykansoň, ölenleriň sany artdypdyr.
Bu hüjümiň jogapkärçiligini Pakistanyň “Talyban” hereketi bilen ilteşikli topar öz üstüne aldy.