“Talybanyň” söweşijileri Owganystanyň Helmand welaýatynda hökümet goşunlaryna garşy birnäçe aýlap dowam eden söweşlerden soň hökümet edaralaryna hüjüm etdiler.
Ýerli resmiler 9-njy martda irden Gereşk şäherinde polisiýanyň we aňtaw gulluklarynyň edaralaryna hüjüm edilendigini aýtdylar.
Helmand welaýatynyň häkiminiň metbugat-wekili dört sany ýaraglynyň hüjümi zerarly iki ofiseriň öldürilendigini we azyndan bäşisiniň ýaralanandygyny aýtdy.
Şeýle-de ol hüjümçileriň üçüsiniň öldürilendigini habar berdi.
“Talyban” hüjümiň jogapkärçiligini öz üstüne aldy.
Gozgalaňçylar göknar öndüriji esasy region hasaplanylýan Helmand welaýatyna öz mekany hökmünde garaýarlar.