Sepleriň elýeterliligi

Yrak: Mosuly YD-dan boşatmak çäresi başlandy


Taýýarlyk görülýär, Mosul

Yragyň harbylary Mosul şäherini “Yslam döwleti” (YD) toparynyň elinden gaýdyp almak boýunça uly operasiýanyň başlanandygyny aýtdylar.

Goşun generaly brigadir Ýahia Rasool “Al-Farah” gizlin atly operasiýanyň başlanandygyny 24-nji martda habar berdi.

Rasool yrak güýçleriniň Yragyň ululygy boýunça ikinji şäherinden gündogar tarapda ýerleşýän Mahmour şäheriniň etegindäki ençeme obany eýeländiklerini aýtdy.

Şeýle-de Rasool “Yslam döwleti” atly topara garşy söweşýän ABŞ-nyň ýolbaşçylygyndaky koalisiýanyň howadan goldaw berýändigini belledi.

Bagdatdan 360 kilometr uzaklykda ýerleşýän Mosul şäheri 2014-nji ýylyň iýun aýynda “Yslam döwleti” topary tarapyndan basylyp alyndy.

2015-nji ýylyň dekabr aýynda yragyň harbylary günbatar Ramadi şäherini gaýdyp aldylar we ençeme aýyň dowamynda YD toparyna garşy ilkinji uly üstünlik gazandylar.

XS
SM
MD
LG