Orsýet raketadan goranyş sistemasyny Uzak Gündogarda Moskwanyň we Tokionyň arasynda territorial taýdan dawaly Kuril adalarynda ýerleşdirjekdigini aýtdy.
“Şu ýyl ol ýere “Bal” we “Bastion” kenarýaka raketa sistemalary, şeýle-de “Eleron-3” sürüjisiz howa ulaglarynyň täze nesli gowşar”, diýip goranmak ministri Sergeý Şoýgu 25-nji martda aýtdy.
Şoýgu täze ýaraglaryň Kuril adalarynda ýerleşýän harby birlikleri gaýtadan ýaraglandyrmak boýunça çäreleriň bir bölegi bolup durýandygyny belledi.
Şeýle-de Şoýgu Günbatar harby okrugynda hem täze harby birlikleriň dörediljekdigini mälim etdi we NATO-nyň Orsýetiň serhetlerine ýakynlaşmagynyň jogap talap edýändigini belledi.
Onuň aýtmagyna görä, Orsýetiň günbataryndaky harby güýçler 1100 täze ýarag sistemasyna, şol sanda howa uçarlaryna we dikuçarlaryna, tanklara eýe bolar.