Gazagystanyň prezidenti Nursultan Nazarbaýew özüniň eýranly kärdeşi Hassan Rohani bilen duşuşmak üçin 11-nji aprelde Tährana sapar edýär.
Nazarbaýewiň edarasynyň berýän maglumatyna görä, iki ýurduň prezidentleriniň söwda, inwestisiýa, oba-hojalyk we transport pudaklarynda özara hyzmatdaşlygy ösdürmek barada maslahat etmegine garaşylýar.
Gazak prezidentiniň Eýrana edýän bu saparynyň dowamynda şertnamalaryň we özara düşünişme baradaky memorandumlaryň 40-dan gowragyna gol goýulmagy planlaşdyrylýar.
Şeýle-de, Nazarbaýewiň edarasy gazak prezidentiniň türk prezidenti Rejep Taýýyp Erdogan bilen gepleşikleri geçirmek üçin 13-14-nji aprelde Türkiýä sapar etjekdigini we “Yslam hyzmatdaşlyk guramasynyň” sammitine gatnaşjakdygyny habar berýär.
15-nji aprelde bolsa, Nazarbaýew prezident Yslam Karimow bilen duşuşmak üçin Özbegistana sapar eder.