Owganystanyň “Talyban” hereketi özüniň maýyl howada söweşmek möwsüminiň başlandygyny mälim etdi. Her ýyl yglan edilýän bu jarnama ýowuz tomus paslynyň başlandygyny aňladýar.
12-nji aprelde media guramalaryna ugradylan emailde söweşijiler “ýazky hüjümler” diýlip atlandyrylýan çäräniň ýerli wagt bilen irden sagat 5:00-da başlandygyny aýdýarlar.
“Talyban” hereketi bu hüjümleriň, agzalýan topary döreden Mullah Mohammad Omaryň hatyrasyna “Omari operasiýa” diýlip atlandyryljakdygyny aýtdy. Omar mundan üç ýyl öň aradan çykypdy.
Şeýle-de, beýanatda amerikan basybalyjylaryna garşy jyhady amala aşyrmak mukaddes borçdur diýilýär.
“Talyban” hereketiniň täze lideri Mullah Ahtar Mansur söweşi güýçlendirip, ýurduň ähli künjegine ýaýbaňlandyrdy. Hat-da ol geçen ýyl Owganystanyň iň uly şäherleriniň biri – Gunduzyň kontrollygyny birnäçe günlük ele geçirdi.