Ýewropa Bileleşigi Eýrana garşy adam hukuklary meselesinde girizilen sanksiýalaryň möhletini ýene bir ýyl uzaltdy.
12-nji apreldäki beýanatda Ýewropa Bileleşiginiň aksiýasynyň 82 adama we bir kärhana degişlidigi aýdylýar.
Beýanatda 28 agzaly bileleşigiň Eýrana garşy 2011-nji ýylda «düýpli hukuk bozulmalar üçin» girizen emläk doňdurma, syýahat gadaganlygy ýaly çäreleriniň yzygiderli täzelenip durlandygy aýdylýar.
Eýran geçen aý BMG-niň adam hukuklary hasabatyny gaharly garşylap, onuň syýasy äheňler esasynda taýýarlanandygyny aýdypdy.
BMG-niň hasabatynda, başga zatlar bilen bir hatarda, Eýranyň 2015-nji ýylda 1 müňe golaý adamy jezalandyryp öldürendigi aýdylýar.