Birleşen Ştatlaryň ýaragly güýçleri oktýabr aýynda owgan hassahanasyna ýalňyşlyk netijesinde urlan we 42 adamy öldüren howa zarbasynyň uruş jenaýatçylygy däldigini, tribunala çekilmedigem bolsalar, ýörite güýçleriň 16 esgerine tertip-düzgün çäresiniň görlendigini aýtdy.
Gunduz şäherinde, halkara sahawat guramasy bolan «Serhetsiz lukmanlar» tarapyndan işledilýän hassahana urlan howa zarbasy giň gahar-gazap döretdi we bu iş boýunça garaşsyz derňew geçirilmegine çagyryş edildi.
Emma Goranmak departamenti bu çagyryşlary ret edip, öz derňewini geçirdi. ABŞ-nyň goşun generaly Joseph L. Voteliň 29-njy aprelde Pentagonda yglan eden netijelerine görä, bu betbagtçylykly hadysa adam ýalňyşlyklary bilen enjam näsazlyklarynyň netijesinde bolupdyr.
Tertip-düzgüne çagyrylan esgerlere, käýinç hatlary we komandadan çetleşdirilmek aralygynda, dürli derejelerde temmi berildi.
«Serhetsiz lukmanlar» guramasy 2015-nji ýylyň 3-nji oktýabrynda bu hadysanyň uruş jenaýaty diýlip hasaplanylmagyna we jogapkär esgerleriň jenaýat jogapkärçiligine çekilmegine çagyrdy.