Kosowonyň futbol janköýerleri Ýewropanyň futbol boýunça guramasynyň (UEFA) Budapeştde geçirýän duşuşygyna içgin syn edýärler. Duşuşykda Kosowonyň gurama alynmagyna degişli meselä seredilýär.
Ýewropanyň Futbol guramalarynyň bileleşigine agza 54 ýurduň delegatlary 3-nji maýda geçirilýän ýyllyk maslahatynda Kosowonyň UEFA agzalygyna seredýärler.
Kosowonyň agza bolmagy makullanan ýagdaýynda ol 2018-nji ýylyň Dünýä çempionatynyň kwalifikasion programmasynyň sanawyna goşulyp bilner.
Emma Kosowonyň kabul edilmegine Serbiýanyň garşy çykyş etjegi çak edilýär. Serbiýa Kosowonyň garaşsyzlygyny ykrar etmeýär.