ABŞ Demirgazyk Koreýanyň halkara maliýe sistemasyndaky hasaplaryna ýakynlaşmak boýunça täze ädimleri ätdi. Emma bu soňky tagallalaryň Phenýanyň ýadro programmasyny çäklendirmek boýunça ozalky hereketlerinden näderejede üstünlikli boljagy nämälim galýar.
ABŞ-nyň Maliýe departamenti 1-nji iýunda Demirgazyk Koreýany “pul ýuwmak aladalarynda” öňde barýan ýurt diýip atlandyrdy. ABŞ-nyň banklaryna Phenýanyň režimi bilen iş salyşmagy gadagan edýän bu hereketiň Demirgazyk Koreýanyň halkara üzňeligini hasam güýçlendirmegine garaşylýar.
ABŞ-nyň bu ädimleri Demirgazyk Koreýanyň 2016-njy ýylyň başyndan bäri amala aşyran ýadro synaglarynyň yzýanyna gabat geldi.
ABŞ-nyň we Günorta Koreýanyň harbylary Demirgazyk Koreýanyň soňky ballistik raketa synaglaryny 31-nji maýda amala aşyrandygyny aýdýarlar.