Moldowanyň prezidenti Nikolae Timofti Ýewropa Bileleşigini Orsýete garşy girizilen ykdysady sanksiýalary saklamaga çagyrdy.
Ol Moldowanyň Transdniýester regiony Kremliň separatist konfliktine meçew bermekdäki «ilkinji synagy» boldy diýdi.
Timofti 10-njy iýunda sapar edýän çeh premýer-ministri Boguslaw Sobotka bilen duşuşyk mahalynda Moskwanyň sanksiýalara sebäp bolanukrain krizisinden has ozal Transdniýesterde garaşsyzlyk tagallalaryny goldandygyny aýtdy.
Şeýle-de ol bu ýagdaýyň Moldowanyň Ýewropa Bileleşigine integrirlenmek tagallalaryna bökdenç bolýandygyny belledi.
"Orsýetiň bu zonada öz täsirlerini saklap galmaga çalyşmagy Moldowanyň Ýewropa Bileleşigi bilen gatylyp-garylmagynyň öňündäki çynlakaý päsgelçilik» diýip, ol aýtdy.
Şu sebäpden ol Orsýete garşy girizilen ABŞ we ÝB sanksiýalarynyň ýatyrylmaly däldigini aýtdy diýip, onuň edarasynyň ýaýradan beýanatynda aýdylýar.