Germaniýanyň kansleri Angela Merkeliň ýolbaşçylygynda Ýewropa Bileleşigi (ÝB) Orsýetiň Ukrainadaky hereketleri bilen baglylykda Moskwa garşy sanksiýalary ýene alty aýlyk uzaltmaga taýýarlyk görýärler. Şol bir wagtda-da ÝB-niň käbir agzalary has barlyşykly hereketlere çagyrýarlar.
ÝB-niň ministrleriniň 21-nji iýunda Luksemburgda geçiriljek duşuşygyň dowamynda 1-nji iýulda möhleti dolýan sanksiýalary uzaltmagyna garaşylýar.
Luksemburgda gelinjek kararyň ÝB-niň liderleriniň indiki hepdede Brusselde geçirjek maslahatynda tassyklanmagy talap edilýär.
Merkel Orsýetiň Ukrainanyň Krym ýarymadasyny basyp almagyna we öz düzümine goşmagyna, şeýle-de gündogar Ukrainada orsýetçi separatistleri goldamagyna garşy sanksiýalary güýçlendirmegiň tarapynda çykyş edip gelýär.