Milliarder maýadar Jorj Soros Britaniýa 23-nji iýunda ÝB-den çykmaga ses bereninden soň, bileleşigi halas etmek üçin doly reforma çagyrdy.
"Indi köpleriň gorkan betbagtçylykly zady boldy we ÝB-niň dezintegrasiýasy hakykatda dolanuwsyz» diýip, Soros 25-nji iýunda çap edilen kommentariýasynda aýtdy.
Britaniýanyň ykdysadyýeti we halky gysga we orta möhletde düýpli zyýan görer diýip, ol «Project Syndicate» websaýtynda ýazdy.
Şeýle-de ol dünýäniň maliýe bazarlaryndaky galagopluk Ýewropa Bileleşigindäki syýasy we ykdysady «aýrylyşmanyň» çylşyrymly prosesi näçe uzak gepleşilse, şonça-da uzak saklanjaga meňzeýär diýdi.
"ÝB-niň gymmatlyklaryna we prinsiplerine ynanýanlaryň hemmesi bile durup, ony doly gaýtadan gurmak bilen halas etmegimiz gerek» diýip, ol aýtdy.