Birleşen Ştatlaryň döwlet sekretary Jon Kerri Fransiýanyň Nise şäherinde bolan hüjümi “ýowuz gyrgynçylyk” diýip ýazgardy we häzirki wagtda Siriýanyň dünýäde “terroristleriň ojagydygyny” aýtdy.
Kerri bu barada 15-nji iýulda orsýetli kärdeşi Sergeý Lawrow bilen gepleşiklere başlamazdan ozal belledi.
Şeýle-de, Kerri mundan bir gün ozal rus prezidenti Wladimir Putin bilen geçiren gepleşikleriniň “öndümli” bolandygyny nygtady.
Putiniň metbugat wekili Dmitriý Peskow hem 15-nji iýulda Moskwada çykyş edip, Putin bilen Kerriniň Siriýada gönüden-göni harby hyzmatdaşlyk ähtimallygy barada gepleşikleri geçirmändigini aýtdy.
“Olar hyzmatdaşlygyň dürli ugurlary boýunça maslahat etdiler” diýip, Peskow belledi.
Lawrow Kerri-Putin duşuşygynyň “şowly” bolandygyny aýdyp, “düýn başlanan gepleşikleri dowam etdirmegiň” möhümdigini nygtady.