Waşingtonyň Ukrainadaky ilçisi Birleşen Ştatlar şu wagta çenli Ukrainanyň Kryma goşulyşýandygy barada Orsýetiň öňe sürýän aýyplamalaryny tassyklaýan hiç bir delil görmedi diýdi.
Jeffreý Pýat (Geoffrey Pyatt) 11-nji awgustda Twitter sosial ulgamyndaky sahypasynda ýazan maglumatynda “Orsýet özüniň bikanun hereketlerinden ünsi başga ýana sowmak üçin Ukraina garşy galp aýyplamalary ýöňkeýär” diýdi.
Şeýle-de, ol Birleşen Ştatlaryň Orsýet tarapyndan Krymyň anneksiýa edilmegi bilen baglanyşykly Moskwa garşy girizilen sanksiýalar, gürrüňi edilýän ýarymada Ukraina yzyna gaýtarylyp berilýänçä öz güýjünde saklanyp galar diýdi.
ABŞ-nyň ilçisiniň bu beýanaty, Moskwa Kiýewi Orsýetiň anneksiýa eden ýarymadasyny sabotažçylar bilen durnuksyzlaşdyrmaga synanyşmakda aýyplan mahalyna gabat geldi.