Orsýet Eýranda ýerleşýän söweş uçarlaryny ulanyp, Siriýadaky nyşanlara howadan zarba urmagyny iki gün bäri dowam etdirdi.
Orsýetiň Goranmak ministrliginiň aýtmagyna görä, ençeme Su-34 söweş uçary Siriýanyň Deir ez-Zor regionyndaky nyşanlary oka tutmak üçin 17-nji awgustda Hamadan howa bazasyny terk edipdir we aman yzyna dolanypdyr.
Ministrligiň beýannamasynda “150-den gowrak söweşijiniň, şol sanda hakyna tutulan daşary ýurtlularyň öldürilendigi” habar berildi.
Orsýetiň Daşary işler ministrligi ABŞ-nyň Kremliň Siriýadaky nyşanlara hüjüm etmek üçin Eýrandaky bazalaryny ulanmagynyň BMG-niň rezolýusiýasyna ters gelýändigi barada aýdanlaryny ret etdi.
Moskwanyň 16-njy awgustda başlan bu howa hüjümleriniň yzýany ABŞ-nyň Döwlet departamentiniň metbugat-wekili Mark Toner operasiýanyň Eýrana söweş uçarlaryny ibermegi gadagan edýän rezolýusiýa ters gelýändigini aýtdy.
17-nji awgustda Eýranyň parlamentiniň metbugat-wekili Ali Larijani Orsýetiň Eýranda hemişelik harby bazasynyň ýokdugyny aýtdy, emma Eýranyň “Orsýet bilen gowy hyzmatdaşlygynyň bardygyny” belledi.