Türkmenistanyň Alternatiw habarlary websaýty Awazada, Hazar deňzinden birnäçe ýüz metr aralykda ýerleşýän «Kottežler» (resmi ady Burnak) etrapçasynyň jaýlarynyň ýykylýandygyny habar berýär.
Has anygy, bu etrapçada ýerleşýän jaýlaryň ýykylmagy birnäçe ýyl ozal başlanyp, indi dürli sebäpler esasynda ýykylman galan 50 töweregi jaý ýykylýar diýip, ýerli synçy Amanmyrat Bugaýew aýdýar.
Azatlyk radiosy bu barada Balkan welaýatyna we Awazadaky ýagdaýlara ýakyndan belet ýazyjy bilen telefonda söhbetdeş boldy.