Sepleriň elýeterliligi

Gazak oppozisioneri türmeden boşadyldy


Wladimir Kozlow

Wladimir Kozlow

Gazagystanyň hasaba alynmadyk Alga (Öňe) oppozision partiýasynyň lideriWladimir Kozlow möhletinden öň, şertli ýagdaýda türmeden boşadyldy.

Kozlow Almatynyň golaýyndaky Zareçnidäki türmeden 19-njy awgustda boşadyldy. Ol türmäniň işiginde öz aklawçysy Aýman Umarow, graždan aktiwisti Ýulia Kozlowa dagy tarapyndan garşy alyndy.

Kapşagaý şäher sudy Kozlowyň möhletinden öň boşadylmak baradaky talabyny 4-nji awgustda kanagatlandyrdy, emma bu karar diňe 19-njy awgustda güýje girdi.

Kozlow 2012-nji ýylyň ýanwarynda, Žanaözen şäherindäki nebitçi işçileriň köpçülikleýin iş taşlamagy bilen baglylykda tussag edilipdi.

Bu iş taşlaýyş 2011-nji ýylyň dekabrynda, zorluk bilen soňlandy. Žanaözendäki gozgalaň wagtynda polisiýa azyndan 16 adamy atyp öldürdi, 100-den gowrak adam ýaraly boldy.

Kozlow 2012-nji ýylyň oktýabrynda sosial nägileligi öjükdirmekde günäli tapylyp, 7 1/2 ýyl türme tussaglygyna höküm edildi. Kozlow özüne garşy işiň syýasy matlaplydygyny aýdyp geldi.

XS
SM
MD
LG