Sepleriň elýeterliligi

logo-print

Tereza ene Watikanda öwlat edilýär


 Tereza ene. 1985.

Tereza ene. 1985.

Rim papasy Fransis Watikanda Tereza enäni Katolik ybadathanasynyň öwlady diýip jar etdi.

Rimiň merhemetli Piter skwerine, kalkuttaly Tereza enäniň Rim Katolik ybadathanasynyň öwlady edilmegine bagyşlanan dini çärä müňlerçe adam toplandy.

4-nji sentýabrdaky çäre öz ömrüni Hindistanyň Kalkutta, häzir Kolkata diýip bilinýän şäherinde garyp-gasarlara kömek bermäge bagyşlan Tereza enäniň ölüminden 19 ýyl soň geçirilýär.

Bu çärä 100 müňden gowrak adam gatnaşdy.

1910-njy ýylda etniki alban maşgalasynda, häzirki Makedoniýada doglan (Agnese Gonxha Bojaxhiu) Tereza 16 ýaşynda monahiniýa bolup, 1929-njy ýylda Hindistana göçýär we 1950-nji ýylda özüniň ilkinji sahawatlylyk missiýasyny açýar.

Tankytçylar Tereza enäniň we onuň sahawatlylyk guramasynyň bejerip bolmaýan hassalara hem-de garyplyga sebäp bolýan zatlaryň köküni köwlemäge az kömek edendigini aýdýarlar.

Şeýle-de ol Hindistandaky çäresiz adamlary hristiançylyga yrjak bolmakda aýyplanýar. Tereza enäniň missiýasy bu aýyplamany ret edýär.

XS
SM
MD
LG