Eýran Orsýetiň kömegi bilen öz ýadro elektrik stansiýasyny gurmaga başlady, bu habary rus we eýran metbugaty ýaýratdy.
«Buşehr-2» diýip bilinýän proýekt resmi taýdan 10-njy sentýabrda, günortadaky port şäher Buşehrde başlandy.
Bu proýektiň bahasy 10 milliard dollar töweregi we ol 1,057 megawat elektrik öndürer. Onuň gurluşygynyň 10 ýylda tamamlanmagyna garaşylýar.
Bu Eýranyň 2015-nji ýylyň iýulynda dünýä döwletleri bilen baglaşan ýadro ylalaşygyndan soň gurýan ilkinji ýadro elektrik stansiýasy bolar.
Bu stansiýa Orsýetiň döwlet eýeçiligindäki ýadro elektrik kompaniýasy bolan «Rosatom” tarapyndan gurlar.
Eýranyň ýeke-täk işleýän we Orsýetiň kömegi bilen Buşehrde gurlan ýadro reaktory 1,000 megawat elektrik öndürýär.