Sepleriň elýeterliligi

Orsýet: ABŞ-nyň Siriýa boýunça çykyşy 'duýga erk edip bilmezlik' 


Orsýetiň daşary işler ministriniň orunbasary Sergeý Rýabkow

Orsýetiň daşary işler ministriniň orunbasary Sergeý Rýabkow

Orsýet Birleşen Ştatlaryň Siriýa boýunça eden soňky beýannamasyna terrorizme goldaw berilmegi bilen deň seredýändigini aýdýar.

Döwlet departamentiniň metbugat-wekili John Kirby eger Orsýet Siriýanyň demirgazygyndaky Aleppo şäherinde “hüjümleri bes etmek boýunça gyssagly ädimleri ätmese” Waşingtonyň Orsýet bilen Siriýa boýunça ähli hyzmatdaşlygyny ýatyrmaga taýýarlanýandygyny 28-nji sentýabrda aýtdy.

Şeýle-de Kirby Orsýetiň Siriýadaky zorlugyň bes edilmegine gyzyklanma bildirendigini, sebäbi ekstremistleriň ol ýerdäki boşlukdan peýdalanyp, “Orsýetiň bähbitlerine, belki-de hatda Orsýetiň şäherlerine garşy” hüjümlere başlamagynyň ähtimaldygyny belledi.

Orsýetiň daşary işler ministriniň orunbasary Sergeý Rýabkow 29-njy sentýabrda bu çykyşy kommentirläp, ony “duýga erk edip bilmezlik” diýip atlandyrdy.

Şeýle-de ol Moskwanyň 48 sagatlyk “ynsanperwer arakesmesini” teklip edendigini, ABŞ-nyň Siriýa boýunça teklip eden ok atyşygy bes etmek boýunça ýedi günlük arakesme planynyň, bolsa, Orsýet üçin “kabul ederlikli bolmandygyny” aýtdy.

XS
SM
MD
LG