Siriýanyň oppozisiýadaky gözegçilik topary, raýat urşuna gözegçilik etmek bilen, Orsýetiň uran howa zarbalary netijesinde bir ýylda uruşdan tozan ýurtda 9,364-den gowrak adamyň öldürilendigini aýdýar.
Düýbi Britaniýada ýerleşýän Adam hukuklary obserwatoriýasy 30-njy sentýabrda bu sanawyň 3,804 sany graždan adamy, şol sanda 906 çagany hem öz içine alýandygyny aýtdy.
Pidalaryň arasynda Moskwa tarapyndan goldanylýan režimi agdarmaga çalyşýan pitneçi söweşijiler-de bar.
Şeýle-de bu topar rus howa zarbalarynyň «Yslam döwleti» ekstremist toparynyň 2,746 agzasyny, beýleki yslamçy pitne toparlarynyň 2,814 söweşijisini öldürendigini aýdýar.
Orsýet Siriýadaky howa kampaniýasyna geçen ýylyň 30-njy sentýabrynda, Siriýanyň prezidenti Başar al-Assadyň güýçlerini goldamak netijesinde başlady.