Pakistan bilen Hindistanyň arasynda Gimalaý dagynyň Kaşmir regiony bilen baglanyşykly dartgynlylyklaryň artýan mahaly, Günorta Aziýanyň bu iki döwleti birek-bireginiň diplomatlaryny öz ýurdundan çykarýar.
27-nji oktýabrda Hindistan Pakistanyň Nýu-Delidäki ilçihanasynyň işgäriniň içalyçylyk hereketleri bilen gysga wagtlaýyn tussag edilenden soň, ýurtdan çykarylýandygyny mälim etdi.
Yslamabad diplomat Mahmud Ahtara garşy ýöňkelýän aýyplamalaryň “galp we esassyzdygyny” aýtdy. Ahtara 29-njy oktýabra çenli Nýu-delini terk etmeklik tabşyryldy.
27-nji oktýabrda giçlik Pakistan hem muňa jogap edip, diplomatik düzgünleri bozany üçin hindi ilçihanasynyň resmisi Sujil Singden ýurdy terk etmegi sorandygyny mälim etdi. Pakistan hem Singden ýurdy 29-njy oktýabra çenli terk etmegi sorandygyny aýtdy.