Birleşen Ştatlaryň Duşenbedäki ilçihanasy ýurtdaky jemgyýetçilik üýşmeleňlerinde we Owganystan bilen serhet geçelgelerinde hüjümleriň amala aşyrylmagynyň mümkindigi barada maglumatlaryň gelip gowşandygyny aýdýar.
Ilçihananyň 10-njy noýabrda ýaýradan beýanatynda “terrorist toparlaryň” hüjümleri amala aşyrmagynyň mümkindigi mälim edilýär, emma olar barada jikme-jik maglumatlar berilmeýär.
Ilçihananyň beýanatynda ABŞ-nyň raýatlaryna uly köpçülikleýin üýşmeleňlerine barmazlyga we jemgyýetçilik transportlaryndan peýdalanmazlyga çagyryş edilýär.
Täjigistanyň howpsuzlyk güýçleri ýurduň Owganystan bilen serhedinde owgan neşe gaçakçylary bilen çaknyşyklaryň bolandygyny ýygy-ýygydan habar berýär.