Ýewropa Parlamenti Russiýa tarapyndan Ýewropa Bileleşigine garşy “duşmançylykly propogandanyň” artýandygyny duýduryp, Bileleşige agza ýurtlary ýalan maglumatlara garşy göreşmek tagallalaryny güýçlendirmäge çagyrdy.
Bu hereket, rus prezidenti Wladimir Putiniň gahar-gazaply gaýtawul bermegine sebäp bolup, ol Ýewropa Parlamentini Russiýany demokratiýa babatda ýazgarmakda tankyt etdi.
23-nji noýabrda Ýewropa Parlamentiniň kanunçykaryjylary Russiýanyň “RT” tele-kanaly we “Sputnik” habar agentligi ýaly döwlet eýeçiligindäki media serişdeleriniň “düýbünden galp” habarlary ýaýratmagyny ýazgarýan resminamany goldap ses berdiler.
Şeýle-de, olar Kreml galp maglumatlary ýaýratmak, demokratik gymmatlyklary ýoýmak we Ýewropany bölmek üçin “gurallaryň dürli görnüşini”, şol sanda barlag merkezlerini, köpdilli telewideniýe merkezlerini, “galp habar agentliklerini” we sosial mediany ulanýar diýdiler.