Siriýadaky graždan urşunda ok atyşygyň bes edilmegini berkitmek maksadyna gönükdirilen gepleşikler Gazagystanyň paýtagty Astanada başlandy.
23-nji ýanwarda başlanan gepleşiklere Siriýanyň hökümetiniň we oppozisiýasynyň resmi toparlary gatnaşýarlar, emma olar bir-birine göni ýüzlenmeýärler.
Oppozisiýanyň metbugat-wekili gepleşikleriň birinji duşuşygynyň ýüzbe-ýüz geçmeýändigini, ok atyşygy bes etmek barada dekabrda gazanylan ylalaşygy hökümet güýçleriniň bozmagynyň güman edilmeginiň muňa sebäp bolýandygyny AFP agentligine aýtdy.
Siriýanyň hökümetiniň resmi toparynyň baştutany Başar al-Jaafari “syýasy prosese” gyzyklanma bildirýän oppozision toparlary “Yslam döwleti” we “Al-Kaýda” ýaly toparlardan bölmegiň zerurdygyny belledi.
Gepleşikler Orsýetiň, Eýranyň we Türkiýäniň ýardam bermeginde we ABŞ-nyň Gazagystandaky ilçisiniň we BMG-niň Siriýa boýunça ýörite wekili Staffan de Misturanyň gözegçiliginde geçýär.