Yragyň premýer-ministri Haidar al-Abadi günbatar Mosuly «Yslam döwleti» toparynyň jeňçilerinden yzyna almak operasiýasynyň başlanandygyny aýtdy.
"Biz operasiýanyň täze tapgyrynyň başlanandygyny yglan edýäris" diýip, Abadi 19-nj y fewralda telewideniýe ýüzlenmesinde aýtdy.
“Biz Mosulyň günbatar bölegini azat etmäge gelýäris, biziň güýçlerimiz raýatlary Daýeşiň terroryndan azat edip başlaýar" diýip, Abadi YD-nyň arap adyny ulanyp aýtdy. YD Mosuly 2014-nji ýylda basyp alypdy.
Yrak goşuny öz güýçleriniň Athbah we Al-Lazzagah obalaryny ele geçirip, Mosul aeroportyna tarap süýşýändiklerini habar berdiler.
Mosul YD jeňçileriniň Yrakdaky halyfaty diýilýäniň özleri tarapyndan jar edilen paýtagty bolup durýar.