Sepleriň elýeterliligi

2010-da harby maksatlara $1,6 trillion sarp edildi


Şwesiýanyň paýtagty Stokgolmda ýerleşýän Parahatçylyk boýunça halkara barlag institutynyň beren maglumatlarynda 2010-njy ýylda dünýä boýunça harby maksatlara sarp edilen serişdeleriň möçberiniň 2009-njy ýyla garanda 1,3% ýokarlanyp, 1,6 trillion dollara barabar bolandygy aýdylýar.

Bu görkezji harby maksatlara sarp edilýän serişdeleriň ösmegi boýunça soňky 10 ýylyň içinde iň pes san hasaplanýar.

Bu hasabatda 2010-njy ýylda Birleşen Ştatlaryň öz harby maksatlaryna sarp eden serişdeleriniň mukdarynyň ilkinji orunda bolup, onuň dünýä boýunça sarp edilen serişdeleriň 43%-ni tutandygy aýdylýar.

Birleşen Ştatlaryň 2010-njy ýylda harby maksatlara sarp eden serişdeleriniň möçberi 700 milliard dollara golaý boldy diýlip, habar berilýär.

ABŞ-dan soňra harby çykdajysy iň köp bolan ýurt Hytaý boldy diýlip görkezilýär. Hytaý 2010-njy ýylda harby maksatlary üçin 120 milliard dollara barabar serişde goýberipdir.

Harby maksatlara iň köp çykdajy eden ýurlaryň onlugyna Orsýet, Ýaponiýa, Saud Arabystany, Germaniýa, Hindistan we Italiýa hem girýär.
XS
SM
MD
LG